كلنا منعرف أنو أول أغنية لحنها زياد الرحباني لوالدتو فيروز هي " سألوني الناس"
بس يا ترى حدا بيعرف شو قصة هالأغنية وشو وراها من دموع و زعل !!
خلينا نشوف القصة سوا ,
بعام 1973 وتحديداً بالفترة يلي مرض فيها عاصي الرحباني زوج السيدة فيروز
ودخولو للمشفى , كان من المفترض أنو تلعب فيروز دور البطولة بمسرحية " المحطة " للأخوين الرحباني
فكتب منصور الرحباني كلمات هالأغنية " سألوني الناس" وألقى بمهمة التلحين لزياد الرحباني
وكانت هالأغنية " سألوني الناس" يلي بتقول :
سألوني الناس عنك يا حبيبي
كتبوا المكاتيب وأخدها الهوا
بيعز علي عني يا حبيبي
ولأول مرة ما منكون سوا
لاقت الأغنية نجاح كبير ودهش الجمهور للرصانة الموسيقية لابن السابعة عشر " زياد "
ولقدرتو على اخراج لحن بضاهي ألحان والده ..
بس الخبر المفاجئ هو ردة فعل عاصي لما سمع الأغنية
فقد شعر عاصي بأن أغنية سألوني الناس هي متاجر بمرضه وقرر حذفها من المسرحية
لكن عدّل رأيه لما رأى اسقبال الناس الرائع للأغنية ويلي صارت من الروائع للسيدة ..
رجعت فيروز غنت " سألوني الناس " بس بهالمرة بنغم حزين ولوحدها ولأول مرة ما بكون عاصي الرحباني زوججها وصديقهي و حبيبها موجود ممعها !!
غنّت فيروز للمرة التانية سألوني الناس بعد وفاة زوجها على المسرح بشكل انفرادي وهاد كان سبب كفيل ببكاء السيدة فيروز على لمسح واستذكارها لعاصي ..
إلى روح عاصي الخالدة : شكراً فيروز , شكراً زياد , شكراً عاصي ..
اطربتمونا يا آل رحباني
ردحذف